Ǵalymjan Kenjebek slovakııalyq klýbtyń qataryn tolyqtyrdy
ASTANA. KAZINFORM – Qazaqstandyq fýtbolshy Ǵalymjan Kenjebek slovakııalyq «Koshıtse» komandasynyń sapyn tolyqtyrdy.
Sports.kz-tiń málimetinshe, otandasymyz jańa komandasynyń sapynda 2027 jylǵa deıin óner kórsetedi. Slovakııalyq klýb talantty fýtbolshymen 2 jylǵa kelisimshart jasasty.
Ǵalymjan Kenjebek - Qazaqstan jastar quramasynyń kóshbasshy oıynshysy. Ulttyq qurama sapynda da bir oıyn ótkizip úlgergen.
Taraz fýtbol mektebinen túlep shyqqan oıynshy almatylyq «Qaırat» akademııasyna qabyldanyp, jergilikti klýb sapynda dop tepti. Sondaı-aq «Maqtaral», «Jeńis» komandalarynda da baǵyn synady.
Ol buǵan deıin kıprlik «Akrıtas» fýtbol klýbynda óner kórsetip, 13 kezdesýde 4 gol, 1 nátıjeli paspen kózge tústi.
Aıta keteıik, «Koshıtse» Slovakııa chempıonatynyń HVIII týrynan keıin 20 upaı enshilep, 7-orynda tur. Atalmysh komanda kelesi kezdesýin 2 aqpan kúni «Jılınaǵa» qarsy ótkizedi.