Ǵalymjan Kenjebek «Elimaı» komandasynyń sapyna aýysty

ASTANA. KAZINFORM - Qazaqstandyq fýtbolshy Ǵalymjan Kenjebek semeılik «Elimaı» komandasyna aýysty.

Qazaqstan quramasynyń jartylaı qorǵaýshysy 2003 jyly Taraz qalasynda dúnıege kelgen. Almatylyq «Qaırat» komandasynyń akademııasynda tálim alǵan ol úlken fýtboldaǵy alǵashqy qadamyn 2020 jyly atalǵan klýbtan bastady. Odan keıin «Maqtaral» (Túrkistan oblysy), «Jeńis» (Astana), kıprlik «Akrıtas Hlorakas», slovakııalyq «Koshıtse» klýbtarynda dop tepti.

Qazaqstan ulttyq quramasy sapyndaǵy alǵashqy kezdesýin 2024 jyly ótkizdi. Qazirge deıin 6 oıynda bir goldyń avtory atandy. Sondaı-aq ol elimizdiń 17, 19, 21 jasqa deıingi jasóspirimder jáne jastar quramalarynda oınady. 

Eske salsaq, budan buryn Bosnııa jáne Gertsegovına quramasynyń jartylaı qorǵaýshysy Ivan Bashıch «Astana» fýtbol klýbymen kelisimshartqa qol qoıdy.