Ǵalymdardyń bıologııalyq negizdemesi: Qazaqstanda kıikterdiń 20 paıyzy retteýge jatady

ASTANA. KAZINFORM — Kıik sanyn retteýge, aýlaýǵa qatysty ǵalymdardyń bıologııalyq negizdemesi daıyn boldy. Bul týraly Ekologııa mınıstri Erlan Nysanbaev málim etti.

— Zoologııa ınstıtýtynyń resmı bıologııalyq, ǵylymı negizdemesin aldyq. Kıik sanynyń 20 paıyzy retteýge jatady, — dedi Erlan Nysanbaev Senatta Kazinform tilshisiniń suraǵyna jaýap bere otyryp.

Budan buryn habarlanǵandaı, mınıstr maýsym aıynyń basynda ǵalymdar kıik sanyn retteý týrly bıologııalyq negizdemeni qashan ázirleıtinin aıtqan edi. 

Eger kıikti aýlaýǵa ruqsat berilse, bul is-sharalar kúzde bastalady. 

Sonymen qatar, Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń ǵylym jónindegi prorektory, bıologııa ǵylymdarynyń doktory Áljan Shámshidin kıikke qatysty jasalǵan zertteýler jóninde túsinik berdi. 

Onyń paıymynsha, elimizdegi 4-5 mln kıiktiń jyl saıyn 20 paıyzyn etke paıdalanýǵa berýge bolady.