Ǵalymdar júrek qaterli isiginiń nege sırek kezdesetinin anyqtady
ASTANA. KAZINFORM – Ǵalymdar júrektiń qaterli isikke sırek shaldyǵýynyń sebebin onyń úzdiksiz jıyrylýymen baılanystyrady, dep jazdy DW.
Italııanyń Trıest qalasyndaǵy Halyqaralyq gendik ınjenerııa ortalyǵynyń (ICGEB) zertteýshisi Serena Zakkınıa bastaǵan top júrektiń turaqty qozǵalysy isik jasýshalarynyń damýyna kedergi keltiredi degen boljam usyndy.
Zertteý barysynda ǵalymdar birneshe tyshqanǵa ekinshi júrek transplantatsııalaǵan. Bul júrek qanmen qamtamasyz etilgenimen, tolyqqandy soqpaı, nasos qyzmetin atqarmaǵan. Keıin janýarlardyń aǵzasyna isik jasýshalary engizilgen.
Nátıjesinde soqpaı turǵan júrek tolyqtaı isik jasýshalaryna zaqymdanǵan, al qalypty jumys istep turǵan júrekte qaterli isik damymaǵan.
Ǵalymdar ári qaraı zertteý júrgizip, isik jasýshalaryna eń kóp áser etetin faktordy anyqtaǵan. Olar júrek tinin ósirip, jasýshalardyń qysym men sozylýǵa reaktsııasyn baqylaǵan. Belgili bolǵandaı, isiktiń damýyna kedergi keltiretin negizgi faktor – qysym.
Mamandardyń aıtýynsha, bul jańalyq bolashaqta qaterli isikti emdeýdiń jańa tásilderin ázirleýge jol ashýy múmkin. Degenmen ázirge bul nátıjelerdi tájirıbede qoldaný múmkindigi tolyq anyqtalǵan joq.
Aıta keteıik, vaktsınadan bas tartýdyń basym bóligi 2 jasqa deıingi balalarǵa qatysty.
