Ǵalymdar Jerden taǵy bir magnıt tolqynyn anyqtady

ASTANA.KAZINFORM — Jer betinde taǵy bir G2 deńgeıli magnıt tolqyny baıqaldy, dep habarlaıdy Kazinform. 

Reseı Ǵylym akademııasy Ǵaryshtyq zertteýler ınstıtýty Kún astronomııasy zerthanasynyń málimeti boıynsha, Jer betinde ortasha deńgeıli G2 magnıt tolqyny anyqtaldy. Qazirgi geomagnıttik aýytqýlar Kúndegi turaqty oıyq soqqysynan týyndaıdy.

Daýyl týdyrǵan oıyq Kúnde kem degende úsh aı boıy boldy jáne buǵan deıin Kúnniń 27 kúndik aınalý kezeńine baılanysty planetaǵa birneshe ret áser etken.

Buryn boljanǵandaı, geomagnıttik jaǵdaı aldaǵy 1-2 kúnde turaqsyz bolady.

Qazirgi tolqynnyń G3 deńgeıine deıin kúsheıý yqtımaldyǵy baıqalmaıdy, al G4 jáne odan joǵary deńgeıge jetý múmkindigi nólge jaqyn. 

Aıta ketelik Jer betinde planetalyq aýqymda qýatty magnıttik daýyl bolyp jatqany týraly jazǵan edik.