Ǵalymdar jańa úrdisterdi beıtarap synaýshylar pozıtsııasyn ustanyp otyr — depýtat

ASTANA. KAZINFORM — Akademııalyq qaýymdastyqtar jańa úrdisterdi beıtarap synaýshylar pozıtsııasyn ustanyp otyr. Bul týraly Májiliste ótip jatqan parlamenttik tyńdalymda depýtat Ekaterına Smyshlıaeva aıtty.

— Transulttyq platformalardyń basqarýshylyq bıliginiń artyp kele jatqanyn kórip otyrmyz. Jekemenshik kompanııalar is júzinde memlekettik ınstıtýttardyń ornyn basyp, mıllıondaǵan adamdar úshin erejelerin belgilep jatyr. Olar bizge qandaı jańalyqtardy oqý kerektigin, jumysqa nemen barýymyzdy, neni tyńdap, neni kórýimiz kerektigin sheshedi. Buǵan qosa olar ıýrısdıktsııaǵa jaıly ený úshin ózderiniń retteýshilik dástúrlerin barǵan saıyn belsendirek tańa bastady. Tsıfrlyq quqyq salasyndaǵy álemdik kún tártibinde geosaıası yqpal da bar. Aldyńǵy orynǵa quqyqtyq egemendikti saqtaý máselesi shyqty, — dedi depýtat. 

Munyń ústine onyń aıtýynsha, dástúrli saraptamalyq ınstıtýttar shette qalyp otyr. 

— Ǵalymdarymyz ben akademııalyq qaýymdastyqtarymyz kóbinese jańa úrdisterdi beıtarap synaýshylar pozıtsııasyn ustanýda. Ózgeristerge konservatızm men qabyldamaý saqtalýda. Men ǵylymı zańgerlik jáne tehnıkalyq qaýymdastyqqa úndeý jasaımyn. Bul rólden shyǵyp, tsıfrlyq damýdyń normatıvtik bazasyn qalyptastyrý protsesterine belsendi aralasý qajet. Parlament bastamashylyq jasaǵan zań jobalary boıynsha júıeli akademııalyq tyńdaýlar mundaı alań bola alady dep esepteımin, — dedi depýtat.

Sondaı-aq ol tsıfrlyq zańdardy iske asyrý úshin tsıfrlyq sýdıalar, advokattar, prokýrorlar men zań keńesshilerin daıyndaýymyz qajettigin, bolashaqta derekter ekonomıkasynda azamattyń tsıfrlyq ámııany paıda bolýy tıistigin aıtty.