Ǵalymdar zaǵıp adamdarǵa qaıta oqý múmkindigin syılaǵan kóz ımplantyn jasap shyqty

ASTANA. KAZINFORM — Ǵalymdar zaǵıp naýqastardyń kózine ımplant ornatyp, olardyń qaıtadan oqı alýyna múmkindik berdi. Londondaǵy Mýrfılds aýrýhanasynyń hırýrgy bul operatsııany bes adamǵa jasap, «tańǵalarlyq» nátıje kórsetken. Bul týraly BBC jazdy. 

70 jastaǵy Sheıla Irvın, resmı túrde zaǵıp retinde tirkelgen naýqas, BBC-ge bergen suhbatynda qaıtadan oqı alatynyn jáne krossvord sheshe bastaǵanyn aıtyp, bul jaǵdaıdy «naǵyz ǵajaıyp» dep sıpattady.

— Bul sondaı keremet, sondaı ǵajaıyp sezim. Maǵan orasan qýanysh syılady, — deıdi ol.

Jańa tehnologııa geografııalyq atrofııa dep atalatyn aýrýmen aýyratyn adamdarǵa úmit syılap otyr. Bul — jasqa baılanysty makýlodıstrofııanyń (makýlıarlyq degeneratsııanyń) aýyr túri.

Dárigerlerdiń baǵalaýynsha, tek Ulybrıtanııanyń ózinde osy aýrýǵa shamamen 250 myń adam, al álem boıynsha 5 mıllıonnan astam adam shaldyqqan.

Eske sala keteıik, 2026 jyly amerıkalyq Neuralink kompanııasy zaǵıp adamnyń kórý qabiletin jartylaı qalpyna keltirý operatsııasyn jasaıtynyn jazǵan edik.

Al astanalyq oqýshy zaǵıp jandarǵa arnalǵan aqyldy kózildirik oılap tapty.