Ǵalymdar týberkýlezge qarsy kúreste úlken jetistikke jetti

ASTANA. KAZINFORM – AQSh-taǵy Massachýsets tehnologııalyq ınstıtýtynyń ǵalymdary Mycobacterium tuberculosis qozdyrǵyshynyń negizgi komponentterin tańbalaýdyń jańa ádisin jasaý arqyly týberkýlezben kúreste serpilis jasady.

Report habarlaǵandaı, zertteý Proceedings of the National Academy of Sciences (PNAS) ǵylymı jýrnalynda jarııalandy. 

Komanda patogenniń jasýsha qabyrǵasynyń mańyzdy quramdas bóligi bolyp tabylatyn ManLAM glıkanyn tańbalaýdyń jańa ádisin ázirledi. Oksazırıdınniń organıkalyq molekýlasyn qoldana otyryp, ǵalymdar bul glıkandy alǵash ret tańdamaly túrde vızýalızatsııalaı aldy jáne ımmýndyq jasýshalardy juqtyrǵan kezde onyń áreketin baqylaı aldy.

Bul ádis ınfektsııadan keıin birneshe kún boıy bakterııalardy baqylaýǵa múmkindik berdi. Aldyńǵy boljamdarǵa qaramastan, glıkandar bakterııa jasýshasynyń qabyrǵasynda qalady. Tehnologııa ınfektsııa mehanızmderin zertteýdiń jańa múmkindikterin ashady.
Týberkýlezdi dıagnostıkalaýdyń bar ádisteri – rentgen jáne molekýlalyq synaqtar – damýshy elderde jıi qoljetimsiz.

Jańa tásil zárdi jyldam tekserýge, aýrýdy anyqtaýdyń neǵurlym sezimtal ádisterine negiz bola alady jáne uzaq merzimdi bakterııalardy ósirýge balama bola alady.

Eske sala keteıik, Ortalyq Azııanyń 5 eli týberkýlezge qarsy bastama deklaratsııasyna qol qoıdy.

Sondaı-aq álemde alǵash ret soǵyp turǵan júrek sátti aýystyryldy.