Ǵalymdar Marsta ejelgi tirshilik belgilerin tapty

ASTANA. KAZINFORM — Ǵalymdar endi bul oljany zerttep, onyń Qyzyl ǵalamsharda bir kezderi ómirdiń bolǵanyna búgingi kúnge deıingi eń mańyzdy aıǵaqtardyń biri bolýy múmkin ekenin málimdedi, dep habarlaıdy AZƏRTAC.

Ótken jazda Perseverance roveri Marstyń soltústiginde mıllıardtaǵan jyl buryn sý bolǵan qurǵaq ózen arnasynda erekshe jańalyq jasady. Ol zertteýshiler ejelgi mıkroskopııalyq ómirdiń izderi bolýy múmkin dep esepteıtin erekshe daqtary bar taý jynystaryn tapty.

Nature jýrnalynda jarııalanǵan maqalada ǵalymdar bul oljany Marsta ómirdiń bolýy múmkin degen eń nanymdy dálelderdiń biri dep atady. Nıý-Iorktegi Stoýnı-Brýk ýnıversıtetiniń mamandary zerttegen tas eki mıneraldan turady. Olar hımııalyq reaktsııalar nátıjesinde paıda bolǵan bolýy yqtımal. Jer betinde mundaı protsester kóbine mıkroaǵzalardyń áreketimen baılanysty.

— Bul — Donald Tramptyń alǵashqy prezıdenttik merziminde ushyrylǵan Perseverance apparatynyń ashqan jańalyǵy. Bul Marstaǵy ómirdi rastaýǵa bar zertteýler tarıhyndaǵy eń jaqyn qadam, — dedi NASA ákimshisi Shon Daffı.

«Sapphire Canyon» dep atalǵan úlgini Perseverance Neretva (Neretva Vallis) ańǵarynyń shetki jartastarynan jınaǵan. 3 mıllıard jyldan astam ýaqyt buryn bul ózen Ezero kraterine quıylyp, munda kól bolǵan. 2021 jyldyń aqpanynda marsohod dál osy kraterge qonǵan bolatyn. Onyń mindeti — sý áserinen qalyptasqan nemese ózgergen jynystardy izdeý.

Sonymen qatar ǵalymdar anyqtalǵan reaktsııalardyń basqa da túsindirmeleri bolýy múmkin ekenin atap ótti. 

Aıta ketelik NASA adamdardy Marsqa qashan jiberetinin málimdegen edi.