Ǵalymdar qoryqtaǵy ań-qustarǵa monıtorıng júrgizdi
ASTANA. KAZINFORM — 9–12 maýsym aralyǵynda qoryq aýmaǵynda josparly ǵylymı-zertteý jáne monıtorıng jumystary júrgizildi. Mamandar fototuzaqtar ornatyp, ań-qustardyń tirshiligin baqylap, jınalǵan derekterdi óńdeýge kiristi. Bul týraly Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti málim etti.
Komıtettiń málimetinshe, ǵylym, aqparat jáne monıtorıng bóliminiń aǵa ǵylymı qyzmetkerleri A.Pýlatov, S. Týrmagambetov jáne qorǵaý bóliminiń memlekettik ınspektor júrgizýshisi D. Atantaev qoryq aýmaǵynda ǵylymı-zertteý jumystaryn júrgizgen.
Óńdeý jumystary Ústirt memlekettik tabıǵı qoryǵynda júrgizilip jatyr.
— Jyldyq josparǵa sáıkes fototuzaqtar ornatylyp, derekter jınaldy. Ań-qustardyń tirshiligine monıtorıng jasalyp, alynǵan málimetter bazaǵa tirkelip, óńdelip jatyr, — delingen habarlamada.
Qoryq aýmaǵynda aýa-raıy 9–11 maýsymda ońtústik-shyǵystan soqqan jeldiń jyldamdyǵy 6–7 m/s, temperatýra 25–35°S aralyǵynda boldy. 12 maýsymda aýa temperatýrasy 40°S-qa deıin kóterilip, aptap ystyq baıqaldy.
Aıta keteıik, «Altyn-Emel» memlekettik ulttyq tabıǵı parki dala qyrany Aquila nipalensis balapanyn qorektendirip jatqan sátin jarııalaǵan bolatyn.
