Mysyr pıramıdalary: ǵalymdar jumbaq qurylystyń syryn ashty
ASTANA. KAZINFORM — Nıý-Iork ǵalymdary jańa zertteýde Gızanyń uly pıramıdasy tepe-teńdik júıesi men shyǵyr tárizdi mehanızmder arqyly salynǵan degen qorytyndyǵa keldi. Olar qurylymnyń ishinde jasyrylǵan, bul massıvti bloktardy birneshe mınýt ishinde salýǵa múmkindik beredi, dep habarlaıdy BELTA.
Ǵalymdar pıramıdadaǵy olardyń boljamyn rastaıtyn arhıtektýralyq erekshelikterge nazar aýdardy. Mysaly, úlken galereıa men kóterilý dálizi tepe-teńdikti ornatatyn kólbeý pandýstardyń rólin atqara alady. Shapqynshylyqtan qorǵaný úshin qyzmet etti dep eseptelgen shaǵyn kamera shyn máninde salmaǵy 60 tonnaǵa deıingi kóterý mehanızminiń bóligi boldy.
Pıramıdanyń ishki kameralarynyń qabyrǵalarynda syzattar men tozý belgileri bar. Bul qurylys mehanızmderiniń syrǵanaýynan qalǵan izder bolýy múmkin.
Ǵylymı eńbektiń avtorlary uly pıramıda ishinen bastap, syrtqa qaraı salynǵanyn aıtady. Qurylym ósken saıyn tastardy kóterý úshin jasyryn shyǵyr júıeleri paıdalanyldy.
Gıza pıramıdalarynyń ishindegi eń kóne jáne eń úlkeni Heopstyń uly pıramıdasy shamamen b.z.d. 2560 jyly perǵaýynnyń molasy retinde salynǵan. Perǵaýynnyń mýmııasy da, jerlengen qazynasy da eshqashan tabylmady. Myńdaǵan jyldar boıy pıramıda álemdegi eń bıik qurylym jáne qazirgi dáýirge deıin aman qalǵan ejelgi dáýirdiń jalǵyz keremeti bolyp qala berdi.
Aıta keteıik, Mysyr vıza baǵasynyń ósýi týraly qaýesetterdi joqqa shyǵardy.
