Ǵalymdar kıik sanyn retteý týrly bıologııalyq negizdemeni qashan ázirleıdi

ASTANA. KAZINFORM — Kıik sanyn retteýge, aýlaýǵa qatysty ǵalymdardyń bıologııalyq negizdemesi áli daıyn emes. Ekologııa mınıstri Erlan Nysanbaev bul mańyzdy qujattyń kelesi aptada daıyn bolatynyn aıtýda.

− Zoologııa ınstıtýty bul qujatty áli de sozyp otyr. Bul bizdi de qobaljytady. Sebebi solardyń bergen negizdemesine qaraı tezdetip ázirlik jumysyn bastap ketýimiz kerek. Biz ony mamyrdyń ortalarynda tóldeý bitken soń alamyz ba dep oıladyq. Sebebi ótken jylǵy tólden keıingi sanaqty júrgizdik, sosyn olardyń qansha tól beretinin belgileý kerek boldy. Sol sebepti biraz sozyldy. Ótken jylǵy tóldi eseptegende boljam 4 mıllıonnan asatyn, Endi boljam boıynsha qansha paıyz tól berdi, sol boljamdy kelesi jylǵa deıin nazarda ustaımyz, − dedi E. Nysanbaev Senatta ótken brıfıngte.

Eger kıikti aýlaýǵa ruqsat berilse, bul is-sharalar kúzde bastalady.

Sonymen qatar, Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń ǵylym jónindegi prorektory, bıologııa ǵylymdarynyń doktory Áljan Shámshidin kıikke qatysty jasalǵan zertteýler jóninde túsinik berdi.

Onyń paıymynsha, elimizdegi 4-5 mln kıiktiń jyl saıyn 20 paıyzyn etke paıdalanýǵa berýge bolady.