Ǵalymdar Kalıfornııada aldaǵy jyldary joıqyn jer silkinisi bolatynyn eskertti

ASTANA. KAZINFORM — AQSh Geologııalyq qyzmetiniń (USGS) seısmologtary Kalıfornııada kúshti jer silkinisi bolý yqtımaldyǵy kúrt artqanyn eskertti, dep habarlaıdy BILD.

Ótken túnde Soltústik Kalıfornııa jaǵalaýynda bir-eki mınýt aralyǵymen jeti jer silkinisi bolǵany habarlandy. Zardap shekkender men qıraýlar týraly málimet joq, biraq sarapshylar muny alańdatarlyq «sıgnal» dep baǵalap otyr.

USGS ókili Sara Mınsonnyń aıtýynsha, 2055 jylǵa qaraı San-Frantsıskoda bolatyn Úlken jer silkinisiniń yqtımaldyǵy 72 paıyzǵa jetken. Aldaǵy 30 jyl ishinde Soltústik Kalıfornııada magnıtýdasy 6,7 nemese odan joǵary jer silkinisi bolý yqtımaldyǵy joǵary. Keıbir sarapshylar bul odan da erterek - 2032 jylǵa qaraı bolady dep boljaıdy.

Sarapshylar arasynda erekshe alańdaýshylyq týdyratyn nárse - shamamen 1300 shaqyrymǵa sozylǵan jáne búkil San-Frantsısko shyǵanaǵy aımaǵyn basyp ótetin San Andreas jaryqshaǵy.

Ǵalymdardyń aıtýynsha, dál osy jerde kelesi joıqyn jer silkinisi bolýy múmkin. San-Frantsıskodaǵy sońǵy kúshti jer silkinisi 1989 jyly boldy, onyń saldarynan 63 adam qaza taýyp, 4000-ǵa jýyq adam jaraqat aldy.

Eske sala keteıik, AQSh áýejaılarynda COVID‑19 jańa sabvarıanty anyqtaldy.