Brazılııa prezıdentine labırıntıt dıagnozy qoıyldy

ASTANA. KAZINFORM — Dárigerler Brazılııa prezıdenti Lýıs Inasıý Lýla da Sılvaǵa labırıntıt, ıaǵnı ishki qulaqtyń qabynýy degen dıagnoz qoıdy, dep habarlaıdy Azertadj G1 portalyna silteme jasap. 

Saraptama 79 jastaǵy el basshysynyń bas aınalýyna shaǵymdanǵannan keıin júrgizildi. Kóshbasshy densaýlyǵyna baılanysty barlyq resmı kezdesýlerden bas tartty.

Naýqas qazir Prezıdent saraıynda turyp jatyr. Dárigerler oǵan demalýǵa keńes berdi.
2024 jyldyń qazan aıynda Lýla da Sılva rezıdentsııasynyń vanna bólmesinde qulap, basyn jaraqattady.

Medıtsınalyq qorytyndy boıynsha basynyń artqy jaǵynda jaraqat bar. Qaraý kezinde azdaǵan qan ketý, bas mıynyń shamaly shaıqalǵany anyqtaldy.

Jeltoqsan aıynda Brazılııa prezıdenti bas aýrýyna shaǵymdanyp, aýrýhanaǵa túsken.  Dárigerler odan apattan keıin ıntrakranıaldy qan ketýdi anyqtady. Sodan keıin «gematomany drenajdaý» úshin kranıotomııa dıagnozy qoıyldy. Keıin taǵy bir ota jasaldy. Ol kezde naýqas birneshe kún aýrýhanada emdelgen.