Ǵalymdar Hantıngton aýrýynyń damýyn 4 ese baıaýlatty

ASTANA. KAZINFORM — AQSh pen Eýropanyń ǵalymdary jáne dárigerleri alǵash ret gendik terapııanyń kómegimen emdelmeıtin Hantıngton aýrýynyń damýyn 4 ese báseńdetti, dep habarlaıdy BBC.

Jańa ádistiń synaqtaryn uıymdastyrǵan uniQure kompanııasy AQSh pen Eýropada 2022 jyly ota jasalyp, keıin úsh jyl boıy baqylaýda bolǵan erikti patsıentterde Hantıngton syrqatynyń damý qarqyny 75%-ke baıaýlaǵanyn málimdedi.

Hantıngton aýrýynyń alǵashqy belgileri ádette 30 jastan keıin paıda bolady. Naýqas bul syrqatpen 20 jyldan artyq ómir súrmeıdi.

— Álsireýdiń bir kezeńi, ádette bir jylǵa sozylady. Emdelgennen keıin 4 jyl qajet. Bul patsıentterge ondaǵan jyl ómir syılaıdy. Biz eshqashan klınıkalyq progressti 75% báseńdetýdi armandamaǵan edik, — dedi eksperımentke qatysýshy, klınıkalyq nevrologııa professory jáne London ýnıversıtettik kolledjiniń Hantıngton aýrýy ortalyǵynyń dırektory Sara Tabrızı.

Aıta keteıik, Qaraǵandylyq ǵalymdar erekshe bıoımplanttar ázirlep jatyr.