Ǵalym: Meıirimdi adamdar júrek-qan tamyr aýrýlaryna sırek shaldyǵady

ASTANA. KAZINFORM — Madrıdtegi Avtonomdy ýnıversıtettiń professory ári neıroǵylym salasyndaǵy zertteýshi Djonatan Benıtonyń aıtýynsha, meıirimdi adamdardyń densaýlyǵynda ashýlanshaq adamdarǵa qaraǵanda aıtarlyqtaı artyqshylyǵy bar.

AZERTADJ sheteldik BAQ-qa silteme jasaı otyryp habarlaǵandaı, sarapshynyń pikirinshe, meıirimdi adamdar júrek-qantamyr jáne mı qan aınalymy aýrýlaryna agressıvti tulǵalarǵa qaraǵanda azyraq shaldyǵady. Budan bólek, olardyń ómir súrý uzaqtyǵy da edáýir joǵary.

Zertteýshi sondaı-aq ashýlanshaq adamdardyń, júregi jumsaq adamdarǵa qaraǵanda baqyttyń ne ekenin jiti túsinbeıtinin aıtady. Olarda únemi kortızol gormony men fıbrınogen aqýyzynyń deńgeıi joǵary bolady. Bul óz kezeginde qannyń uıyp qalýyn, ınsýlt pen ınfarktiniń paıda bolý qaýpin arttyrady. Jalpy alǵanda, mundaı adamdardyń ómir súrý sapasy áldeqaıda tómen, dep túıindedi ǵalym.

Aıta ketelik áıelder erlerge qaraǵanda qaterli isikke jıi shaldyǵatyny týraly jazǵan edik.