Ǵalym Mámbetálıev «Barys» komandasyna bas bapker bolyp taǵaıyndaldy

ASTANA. KAZINFORM - Qazaqstandyq maman Ǵalym Mámbetálıev «Barys» hokkeı klýbynyń bas bapkeri qyzmetine taǵaıyndaldy.

Bul jóninde komandanyń baspasóz qyzmeti málim etti. Qazirge deıin bas bapker qyzmetin atqarǵan Vıacheslav Býtsaev oǵan kómekshilik jasaıtyn boldy. Sondaı-aq bapkerler tiziminde Evgenıı Korolev pen Oleg Romashko bar.

Ǵalym Mámbetálıev 1965 jyly dúnıege kelgen. Sporttyq mansabynda 1980-2002 jyldar aralyǵynda reseılik jáne qazaqstandyq klýbtardyń namysyn qorǵady. 2002 jyldan beri bapkerlik qyzmetpen aınalysady.

Buǵan deıin elordalyq klýbta 2004-2005, 2017-2018, 2023 jyldarda bas bapker jáne kómekshisi qyzmetterin atqardy. Sondaı-aq, elimizdiń ulttyq quramasyna 2018, 2023 jyldarda jetekshilik etti.

Saldarynan bıyl bas bapker qyzmetine taǵaıyndalǵan kanadalyq maman Devıd Nemırovskı qyzmetinen shettetildi.

Onyń ornyna reseılik maman Vıacheslav Býtsaev «Barys» hokkeı klýbyna bas bapker bolyp taǵaıyndalǵan edi.

Qazir elordalyq klýb Qurlyqtyq hokkeı lıgasyndaǵy týrnır kestesinde sońǵy oryndy mise tutyp tur.

Eske salsaq, budan buryn «Barys» komandasynyń bas dırektory taǵaıyndaldy.