Ǵalym áıelderge akademık Bazanova atyndaǵy marapat tabystaldy
ASTANA.KAZINFORM – Halyqaralyq áıelder kúni qarsańynda QR Prezıdentiniń janyndaǵy Ulttyq ǵylym akademııasy otandyq ǵalym áıelderge arnalǵan akademık N.Bazanova atyndaǵy marapatty saltanatty túrde tabystaý rásimi ótti. Bul týraly
Ǵylym jáne joǵary bilim mınıstrligi habarlady.
Ataýly is-sharaǵa otandyq ǵylymdy damytýǵa aıryqsha úles qosqan jetekshi ǵalym áıelder, ǵylymı qyzmetkerler, oqytýshylar, sondaı-aq joǵary oqý oryndary men ǵylymı uıymdardyń basshylary qatysyp, jalpy sany shamamen 400-ge jýyq adam jınaldy.
Akademık Naılıa Orazǵulqyzy Bazanova – qazaqstandyq kórnekti ǵalym, fızıolog. Qazaqstan men Ortalyq Azııadaǵy alǵashqy akademık áıel, bıologııa ǵylymynyń jańa salasy – aýyl sharýashylyǵy janýarlarynyń fızıologııasynyń negizin qalaýshy. Ol qazaq áıelderi arasynan shyqqan tuńǵysh bıologııa ǵylymynyń doktory, professor, Qazaq KSR Ǵylym akademııasynyń akademıgi.
Akademık N.Bazanova atyndaǵy marapat – Qazaqstan ǵylymynyń damýyna eleýli úles qosqan, joǵary ǵylymı jetistikterge jetken, jańalyqtar ashqan nemese qoldanbaly zertteýler júrgizgen ǵalym áıelderdi marapattaýǵa arnalǵan qurmet belgisi. Bul marapat otandyq ǵylymdaǵy názik jandardyń jetistikterin moıyndaý, dáripteý jáne jas ǵalymdardy yntalandyrý maqsatynda taǵaıyndalǵan.
QR Ulttyq ǵylym akademııasynyń prezıdenti A.Kúrishbaev is-sharanyń ashylýyndaǵy sóılegen sózinde názik jandardyń ǵylym men bilim salasynyń damýyna qosyp otyrǵan úlesi erekshe ekenin atap ótti. Búginde Qazaqstanda ǵylymı zertteýlermen aınalysatyn názik jandardyń sany jyl saıyn artyp, ǵylymı qyzmetkerlerdiń shamamen 56 paıyzy ekenin (12 893) jetkizdi.
Olardyń ishinde ǵylym doktorlary – 898, ǵylym kandıdattary – 2 859, PhD doktorlar – 2 229 jáne beıini boıynsha doktorlar – 185. Bul kórsetkishter ǵylym salasyndaǵy jetistikterdiń eleýli bóligi ǵalym áıelderdiń eńbegimen baılanysty ekenin atap ótti.
Sondaı-aq Memleket basshysy qoıǵan mindetterdi júzege asyrý úshin ǵylymdy basqarý tásilderin jańǵyrtý, halyqaralyq ǵylymı ortalyqtarmen yqpaldastyqty kúsheıtý jáne ǵalym áıelderdi jan-jaqty qoldaý qajettigimen bólisti. Osy baǵyttaǵy mańyzdy qadam retinde Ulttyq ǵylym akademııasy alǵash ret kórnekti ǵalym, alǵashqy akademık áıel Naılıa Bazanova atyndaǵy marapatty taǵaıyndaǵanyn atap ótip, bıyl ekinshi ret elimizdiń úzdik ǵalym áıelderi marapattalatynyn sózge tıek etti.
– Memleket basshysynyń bastamasymen biz «Ádiletti qoǵam» qurýdy basty maqsat etip qoıyp otyrmyz. Osy aýqymdy mindetter júıesinde ǵylymdy damytýda áıelderdiń róli aıryqsha ekenin atap ótken jón. Sondyqtan alda turǵan jaýapty mindetterdi abyroımen atqarý úshin barlyǵymyz birlese eńbek etýimiz qajet. Osy tarıhı mańyzy bar iste ǵylym salasynda tabandy eńbek etip júrgen sizderge, barsha názik jandarǵa zor tabys tileımin. Sizderge myqty densaýlyq, otbasylaryńyzǵa amandyq, júrekterińizge jylylyq pen rýhanı sulýlyq, elimizge tynyshtyq pen bereke tileımin. Júzderińizden árdaıym kóktemniń shýaqty kúnindeı jarqyn kúlki ketpesin, – dep ystyq yqylasyn bildirdiA.Kúrishbaev.
Saltanatty jıynda Almaty qalasy ákiminiń quttyqtaýyn basqarma basshysy Azız Kajdenbek jetkizip, QR Prezıdentiniń janyndaǵy Ulttyq ǵylym akademııasynyń akademıgi, S.Asfendııarov atyndaǵy Qazaq ulttyq medıtsına ýnıversıtetiniń birinshi prorektory Dılıara Qaıdarova, Qazaq ulttyq qyzdar pedagogıkalyq ýnıversıtetiniń basqarma tóraǵasy - rektory Beıbitkúl Karımova, Nazarbaev ýnıversıtetiniń vıtse-provosty Aıda Sagıntaeva, sondaı-aq QR Prezıdentiniń janyndaǵy UǴA Jas ǵalymdar keńesiniń múshesi, Jáńgir han atyndaǵy BQATÝ Ǵylym departamentiniń dırektory Indıra Beıshova sóz sóılep, otandyq ǵylymdy damytýdaǵy ǵalym áıelderdiń róline toqtaldy.
Іs-shara aıasynda dástúrli túrde uıymdastyrylǵan akademık N.Bazanova atyndaǵy marapat tabystaý rásimi ótti. Atalǵan marapatpen otandyq ǵylymnyń damýyna aıryqsha úles qosyp júrgen, ǵylymı áleýeti joǵary ári ǵylymnyń túrli baǵyttarynda eleýli nátıjelerge qol jetkizgen 66 jetekshi ǵalym áıelder men ǵylymı qyzmetkerler saltanatty túrde marapattaldy.
Bul marapat elimizdiń ǵylymı qaýymdastyǵynda tabysty eńbek etip júrgen ǵalym áıelderdiń jetistikterin moıyndaýdyń jáne olardyń ǵylymdy damytýdaǵy rólin aıqyndaýdyń mańyzdy kórinisi boldy.
Akademık N.Bazanova atyndaǵy marapatqa ıe bolǵan otandyq ǵalym áıelderdiń tizimi:
1. Orazbaeva Faýzııa Shamsıev
2. Grışenko Valentına Fedorovna
3. Abýseıtova Merýert Hýatovna
4. Alımardanova Marııam Kalabaevna
5. Shalahmetova Tamara Mınajevna
6. Sılacheva Natalıa Vladımırovna
7. Sadvokasova Zakısh Týlehanovna
8. Botabekova Týrsýngýl Kobjasarovna
9. Sarsekova Danı Nýrgısaevna
10. Aldash Aımankúl
11. Nýrahmetova Saltanat Almýhametovna
12. Izbasarova Gýlbaný Bolatovna
13. Spankýlova Lazat Seıtkazıevna
14. Kárimova Beıbitkúl Sársemhanqyzy
15. Ermýhanova Lıýdmıla Sergeevna
16. Atajanva Gaıane Abdýlkahımovna
17. Alekseeva Lıýdmıla Alekseevna
18. Topanova Gýlmıra Týıakovna
19. Satybaldına Dına Jagyparovna
20. Manabaeva Shýga Askarovna
21. Esırkepova Gýlmıra Erbatyrovna
22. Shamsýtdınova Alfııa Gýmarovna
23. Moldasheva Aısýlý Bolatovna
24. Bektýrganova Neıla Esenkeldıevna
25. Sıtpaeva Gýlnara Tokbergenovna
26. Kalıeva Maral Shatýlaevna
27. Jangýjınova Merýert Erkenovna
28. Morenko Marına Alekseevna
29. Anaıatova Razııam Kýrvanjanovna
30. Hamzına Janna Amangeldınova
31. Narmanova Roza Abdıbekovna
32. Oshıbaeva Aınash Esımbekovna
33. Nýgýmanova Alııa Bagdatovna
34. Shevchenko Elena Valerıevna
35. Stepanova Olga Aleksandrovna
36. Shabdarbaeva Darııa Mýratovna
37. Amandıkova Dına Abılmajınovna
38. Zııaeva Gýlnar Kerımbekovna
39. Saǵyntaeva Aıda Qystaýbaıqyzy
40. Razakova Dına Ibragımovna
41. Dmıtrıeva Elena Anatolevna
42. Baımahanova Gýl Bekarystanovna
43. Bısenbaeva Janat Nıkolaevna
44. Beıshova Indıra Saltanovna
45. Begımbaeva Enlık Erıkovna
46. Almanova Janna Sarsımbaevna
47. Kýchýmova Gýlfııa Jasýlanovna
48. Ýalıeva Rımma Meıramovna
49. Bakranova Dına Igorevna
50. Baıazıtova Zýlfııa Erzatovna
51. Jıdebekqyzy Aqnur
52. Moldabaeva Gýlnaz Jaksylykovna
53. Ahanova Nazym Erlanovna
54. Grıtsenko Dılıara Aleksandrovna
55. Tıvanova Oksana Vıktorovna
56. Moldabekova Aısýlý Týrsynbaevna
57. Masalımova Bakytgýl Kabykenovna
58. Ýazyrahanova Gýljaz Keneshanqyzy
59. Safarova ıÝlııa Ivanovna
60. Kanaeva Damıra Ashımhanovna
61. Terlıkbaeva Aıgýl Talgatovna
62. Vıtıýk Galına Anatolevna
63. Kýrmambaeva Jýldyz Baltabekovna
64. Mýtalıeva Botagoz Jaksylykovna
65. Barmenshınova Madına Bogembaevna
66. Ipalakova Madına Týlegenovna
Buǵan deıin ǵylym salasyndaǵy áıelderge páter sertıfıkaty berilgenin jazǵan bolatynbyz.