Ǵalı Esqalıev: Partııaishilik saılaý ózderine senimdi kóshbasshylardy anyqtaıdy

ORAL. QazAqparat – Batys Qazaqstan oblysynyń ákimi Ǵalı Esqalıev elimizde bastalǵan «Nur Otan» partııasynyń partııaishilik saılaýyna (praımerız) qatysty óz oı-tolǵamyn bildirdi, dep habarlaıdy QazAqparat tilshisi.

Óńir basshysy Facebok-tegi paraqshasynda málim etkenindeı, praımerız – barlyq deńgeıdegi máslıhattar men Qazaqstan Respýblıkasy Parlamenti Májilisiniń depýtattyǵyna, partııa organdaryna depýtattyqqa usyný úshin partııalyq tizimderge odan ári engizý úshin ótkiziletin partııaishilik saılaý.

Oblys basshysynyń aıtýynsha, saılaý barysynda partııa músheleri eń bedeldi partııa jetekshilerin, el taǵdyryna beı-jaı qaramaıtyn, syndarly usynystar jasaı alatyn jáne qoǵamda bedeli joǵary adamdardy derbes anyqtaıdy. Ol úshin barlyq qatysýshylar úshin teń jaǵdaı jasalyp, ózara básekelestik qamtamasyz etilgen.

Azamattardyń densaýlyq qaýipsizdigin qamtamasyz etý úshin partııaishilik saılaý «Praımerız» aqparattyq júıesi arqyly onlaın rejıminde daýys berý tetigi jasaldy. Praımerızdi ótkizý «Nur Otan» partııasynyń belsendileri men jaqtastaryn, eń aldymen jastardy biriktirýge aıtarlyqtaı serpin beredi.

Ákimniń sózine qaraǵanda, partııaishilik saılaý ózderine senimdi kóshbasshylardy anyqtap, depýtattyq korpýstyń odan ári myqty bolýyna aıtarlyqtaı áser etedi.

«Men barlyq partııa múshelerin praımerızge belsendi qatysýǵa shaqyramyn. Bul – sózben emes, is júzinde elimizdiń damýyna óz úlesimdi qosýǵa daıynmyn deıtin azamattarǵa keremet múmkindik!» dep túıindedi oıyn Ǵ.Esqalıev.

«Nur Otan» partııasynyń partııaishilik saılaýyn ótkizý erejelerimen https://nurotan.kz/primaryze?lang=ru siltemesi arqyly tanysýǵa bolady.

https://www.facebook.com/gali.iskaliyev