Galbadrah bastaǵan dzıýdoshylar álem chempıonatyna qatysady
NUR-SULTAN. QazAqparat – Tokıo qalasynda ótetin álem chempıonatyna qatysatyn Qazaqstan áıelder quramasy belgili boldy, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, 25 tamyz – 1 qyrkúıek aralyǵynda erler men áıelder arasynda ótetin dúnıejúzilik dodaǵa álemniń 143 elinen 552 sportshy qatyspaqshy.
Qazaqstan áıelder quramasynyń bas bapkeri Erlan Alpysbaevtyń aıtýynsha, dzıýdoshylar qazirgi kezde Almaty oblysynda qyzý daıyndalýda.
«Álem chempıonatynda bir qola júlde alamyz ba dep josparlap otyrmyz. Galbadrah Otgontsegegten basqa Sevara Nıshanbaevany júldegerler qatarynan kórgimiz keledi. El quramasynda jastar da bar. Mysaly, bıyl Taıbeıde jastar arasynda Azııa chempıony atanǵan Móldir Narynovany aıtýǵa bolady. Talantty jastardyń eresekter arasyndaǵy dodaǵa qatysýy olarǵa tájirıbe jınaýǵa múmkindik beredi. Taǵy bir daryndy dzıýdoshy Aqmaral Naýatbek jaraqatyna baılanysty bul birinshilikke qatysa almaıdy», dedi Erlan Alpysbaev.
Sonymen álem chempıonatynda el namysyn myna dzıýdoshylar qorǵaıdy:
Otgontsetseg Galbadrah (-48 kg)
Anna Kazıýlına (-52 kg)
Sevara Nıshanbaeva (-57 kg)
Iolanta Berdibekova (-63 kg)
Móldir Narynova (-70 kg)
Zarına Raıfova (-78 kg)
Nazgúl Maratova (+78 kg)
Eske sala keteıik, budan buryn álem chempıonatyna qatysatyn erler quramasynyń anyqtalǵanyn jazǵan bolatynbyz.
