Galbadrah álemdik reıtıngte 6-orynǵa kóterildi
NUR-SULTAN. QazAqparat - Qazaqstandyq Galbadrah Otgontsegeg Halyqaralyq dzıýdo federatsııasy jarııalaǵan reıtıngte 6-orynǵa kóterildi, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, Galbadrah osyǵan deıin 10-satyda bolǵan edi.
Zagrebtegi Gran-prı týrnırinde qazaqstandyq dzıýdoshy jeńimpaz atanyp, 700 upaıǵa ıe bolǵan edi. Bul oǵan úzdik altylyqqa enýge múmkindik berdi.
Eske sala keteıik, budan buryn Galbadrahtyń Gran-prı týrnıriniń jeńimpazy atanǵanyn, qazaqstandyq kadetterdiń Azııa chempıonatyn 4 altyn medalmen qorytyndylaǵanyn jazǵan bolatynbyz.
