Galaxy Note 7 smartfonynyń izin ala Samsung-tiń kir jýǵysh mashınalary jaryla bastady
ASTANA. QazAqparat - Ońtústik Koreıanyń Samsung kompanııasy jarylý qaýpi bar 2,8 mln. kir jýǵysh mashınalaryn qaıtaryp aldy, dep habarlaıdy QazAqparat.
Klıentter mashınanyń barabanyndaǵy aqaýǵa shaǵym túsirgen. Satyp alýshylardyń biri qoldanys ústinde bolǵan kir jýǵysh mashınanyń qaqpaǵy kenetten julynyp ketip, onyń jaǵyn syndyrǵanyn aıtqan. Bul týraly rt.com NBC-ke silteme jasap habarlady.
Atalmysh tehnıka ıelereniń aıtýynsha, mashınalar «qoldanys ústinde atylyp ketken». Samsung-ke túrli aqaýlar jóninde barlyǵy 700-den astam shaǵym kelip túsken.
Tekseris ótkizilgennen keıin 2011 jyldyń naýryzy men 2016 jyldyń qarashasy aralyǵynda shyǵarylǵan kir jýǵysh mashınalardyń 34 úlgisi qaıtaryp alynatyn bolady.
Samsung qaterdiń aldyn alý úshin kir jýý barysynda baraban aınalysynyń eń tómengi jyldamdyǵyn paıdalanýǵa keńes berip otyr.
Eske salaıyq, buǵan deıin Samsung kompanııasy jańa Galaxy Note 7 smartfondary birinen soń biri jaryla bastaǵandyqtan 2 qyrkúıek kúni olardyń satylymyn toqtatyp, aqaýlardy joıǵannan keıin 1 qazan kúni qaıta naryqqa shyǵarǵan bolatyn. Degenmen, bar-joǵy 10 kúnnen keıin korporatsııa basshylyǵy «qaýipsizdik turǵysynan» atalmysh smartfondardyń óndirisi tolyǵymen toqtatylǵanyn jarııa etti. Kompanııa Galaxy Note 7 smartfonynyń satylymyn toqtatýdan 3 trln. von nemese 3 mlrd. AQSh dollary kóleminde shyǵynǵa ushyrady.
