Ǵalamtordy turaqty paıdalanatyn qazaqstandyqtardyń sany 8,9 mıllıonnan asyp jyǵyldy- D.Myńbaı
ASTANA. 3 qazan. QazAqparat - Ǵalamtordy turaqty paıdalanatyn qazaqstandyqtardyń sany 8,9 mıllıonnan asyp jyǵyldy.
Bul týraly búgin elordada ótken «Áleýmettik qaýipsizdik jáne BAQ» taqyrybyndaǵy semınar barysynda QR Mádenıet jáne aqparat mınıstri Darhan Myńbaı aıtty.
«Búginde Qazaqstanda ashyq aqparattyq qoǵam qalyptastyrý belsendi júrýde. Bul úderistiń qarqyndylyǵy ásirese ǵalamtordyń jyldam damýymen aıqyn sıpattalady. Sońǵy málimetter boıynsha, búginde Ǵalamtordy turaqty paıdalanatyndardyń sany 8,9 mln. adamnan asyp jyǵylady», - dedi ol.
Onyń paıymynsha, ǵalamtor resýrstardy qosa alǵandaǵy qazirgi zamanǵy BAQ qoǵamdyq oı-pikir qalyptastyrýda zor múmkinshilikke ıe.
«Bizdiń azamattardyń basym bóligi buqaralyq aqparat quraldarynan alynǵan aqparatqa barynsha senedi. Sonymen birge qorqynyshty ári tosynnan jazǵan saıyn senimderi arta túsedi. Bul adamzat tabıǵatynyń ereksheligi», - dedi D.Myńbaı.
