Ǵalamtordy paıdalaný salasyndaǵy uzaq merzimdi yntymaqtastyq týraly kelisimge qol qoıyldy
ALMATY. Qyrkúıektiń 23-i. QazAqparat - «Qazaqtelekom» AQ men «Alem Communications Holding» JShS arasynda Ǵalamtor jelilerine qosylý úshin usynylatyn arnalar salasyndaǵy uzaq merzimdi strategııalyq yntymaqtastyq týraly kelisimge qol qoıyldy, dep habarlaıdy AQ-nyń baspasóz qyzmeti.
Qol qoıylǵan qujat aıasynda Alem Communications Holding óz abonentteriniń Ǵalamtor jelisin paıdalana alýy úshin el aýmaǵy boıynsha «Qazaqtelekom» kompanııasynyń ǵalamtor-arnalaryn paıdalanatyn bolady.
«Eki jaqqa da tıimdi áriptestik qarym-qatynastardy damytý, qyzmet sapasyn arttyrý men olardyń túrlerin keńeıtý, tehnologııalyq novıgatsııalar men tarıvtik saıasat bizdiń kompanııanyń mańyzdy baǵyttary bolyp tabylady», - dedi «Qazaqtelekom» AQ bas kommertsııalyq dırektory Asqar Eserkegenov.
Qazaqstannyń aldyńǵy qatarly operatorymen yntymaqtastyq ornatý «Alem Communications Holding» JShS-na óz abonetteri úshin sapaly Ǵalamtor qyzmetin usynýǵa múmkindik beredi. «Bizdiń Qazaqstanda kabeldi jáne symsyz Ǵalamtor jelilerin damytýǵa qatysty úlken josparlarymyz bar. Biz iri strategııalyq áriptespen yntymaqtastyqta bolýǵa múddelimiz», - dep málim etti «Alem Communications Holding» JShS bas atqarýshy dırektory Grıgorı Grıgorov.
