Ǵalamtordan mysyqtar týraly beınejazbalardy kórý kúızelisten aryltady - ǵalymdar
ASTANA. QazAqparat - Ǵalamtorda mysyqtar týraly túsirilgen beınematerıaldar asa joǵary tanymaldylyqqa ıe.
Zertteýshiler mysyqtar týraly túsirilgen beınematerıaldardyń tanymaldylyǵyna zertteý júrgizip kórdi: 2014 jyly YouTube jelisine shamamen 2 mln-ǵa jýyq osyndaı vıdeo salynǵan, olardy 26 mlrd. adam tamashalaǵan. ıAǵnı statıstıka boıynsha, ǵalamtorda mysyqtar týraly beınejazbalar asa tanymal. Zertteý nátıjesi kórsetkendeı, mundaı jazbalardyń adamdarǵa terapevtik áseri bary da anyqtaldy.
Zertteýge 7 myńnan astam adam qatysty. Ǵalymdar olardyń basty keıipkeri mysyqtar bolyp tabylatyn beınematerıaldardy tamashalaǵan soń emotsııalyq kúıleriniń qalaı ózgeretinin zerttedi. Nátıjesinde, vıdeodan bul janýarlardy tamashalaý olarmen tirideı qarym-qatynas jasaýdan kem túspeıtin áser beretini anyqtaldy: zertteýge qatysýshylardyń kúızelisi azaıyp, kóńil-kúıleri jaqsarǵan, olar ashý-yza, tunjyraý nemese mazasyzdaný tárizdi jaǵymsyz emotsııalardy barynsha az sezingen, dep habarlaıdy sheteldik BAQ.
