Ǵalamtorda «Jyr jaýhary» atty poezııa oqýlary baıqaýy jarııalandy

ASTANA. QazAqparat - Qazaqtyń klassık aqyndarynyń shyǵarmalaryn ǵalamtor keńistiginde úzdiksiz nasıhattaý maqsatynda І respýblıkalyq «Jyr jaýhary» arnaıy jobasy jarııalandy. Arnaıy joba ınternet baıqaý túrinde júrgiziledi, dep habarlaıdy adebiportal.kz.

Baıqaýǵa qatysýǵa nıet bildirgender tómende usynylǵan 15 aqynnyń óleńderin (qalaǵan aqynynan 1 óleń) ózi oqyp, oǵan beınerolık nemese aýdıo nusqasyn jasaýy tıis. Usynylatyn aqyndar: Abaı Qunanbaev, Shákárim Qudaıberdiuly, Sultanmahmut Toraıǵyrov, Maǵjan Jumabaev, Іlııas Jansúgirov, Sáken Seıfýllın, Qasym Amanjolov, Muqaǵalı Maqataev, Jumeken Nájimedenov, Tólegen Aıbergenov, Qadyr Myrza Áli, Tumanbaı Moldaǵalıev, Farıza Ońǵarsynova, Jumataı Jaqypbaev, Ámirhan Balqybek.

Qatysýshylardyń jas mólsherine shekteý qoıylmaıdy. Baıqaý jeńimpazdaryn arnaıy qurammen belgilengen qazylar alqasy anyqtaıdy. Jumystar 2015 jyldyń 1 qarashacyna deıin qabyldanady.

Internet baıqaýdyń qorytyndysy boıynsha ár aqynnyń úzdik oryndalǵan shyǵarmalary boıynsha gran prı - bireý, І oryn - bireý, ІІ oryn - úsheý, ІІІ oryn - beseý júldeli oryndary taǵaıyndalady.

Sondaı-aq úzdik dep tanylǵan týyndylar bes arnaıy júldemen marapattalady. Jeńimpazdardy marapattaý qarasha aıynda Astana qalasynda estrada juldyzdarynyń qatysýymen saltanatty túrde ótedi.