Ǵalamtorda «Jastardyń eńbek bırjasy» biryńǵaı veb portaly ashylady

ASTANA. 4 naýryz. QazAqparat - Búgin Astanada «Nur Otan» HDP «Jas Otan» jastar qanatynyń uıymdastyrýymen ótken semınar-keńeste «Jastardyń eńbek bırjasy» biryńǵaı veb portalynyń jobasy talqylandy.

QR Eńbek jáne halyqty áleýmettik qorǵaý mınıstrligi www.enbek.kz veb-saıtynyń alǵashqy nusqasy ázirlenip, tıisti aqparattyq materıaldar ornalastyryldy. Oǵan kirgen adam óz túıindemesin qaldyra alady. Sondaı-aq, respýblıka boıynsha bos jumys oryndaryn tabýǵa bolady. «Saıtta mamandyqtyń atyn engize otyryp, el aýmaǵy boıynsha oǵan degen suranysty anyqtaýǵa múmkindik bar. Budan basqa, belgili bir oblysta atalǵan mamandy izdep jatqan jumys berýshini tabýǵa bolady», - deıdi Jumysqa ornalastyrý máseleleri jónindegi aqparattyq taldaý ortalyǵynyń prezıdenti Alma Daýtova.

Ázirshe bul saıt joba úlgisinde jumys isteýde. Bolashaqta tıisti usynystardy eskere otyryp, ony tolyqqandy iske qosý josparlanǵan.