Ǵalamtorda tek baılarǵa arnalǵan áleýmettik jeli paıda boldy
ASTANA. QazAqparat - Ǵalamtorda The Netropolitan Club atty áleýmettik jeli paıda boldy. Ol tek baı adamdar úshin ǵana qoljetimdi. Sebebi, oǵan tirkelý úshin ǵana 9 myń dollar kóleminde qarajatyńyz bolýy tıis.
Sondaı-aq jelini paıdalanýshy oǵan jylyna 3 myń dollar kóleminde qarajat salyp turýy kerek, dep habarlaıdy Day.Az.
Erekshe ınternet resýrsyn jasap shyǵarǵandar jelide tirkelgender jaıly málimetterdi basqa adamdarǵa bermeýge ýáde etýde. Sebebi, ol «bos ýaqytynan góri aqshasy kóp adamdarǵa arnalǵan».
Bul áleýmettik jelige tirkelýshiniń qaltasynyń qalyńdyǵynan basqa, jasy 21-den asqan bolýy shart. Munda jarnamaǵa oryn bolmaıdy, alaıda jeli ıeleri múshelerine ózderiniń aınalysatyn isteri týraly jazatyn toptar qurýdy usynýda. Jaqyn arada onyń Android pen iOS qosymshalary da iske qosylmaq.
