Ǵalamtorda tanymal bolǵan «ashýly mysyqtyń» arqasynda onyń ıeleri mýltımıllıoner atandy
ASTANA. QazAqparat - Brıtandyq BAQ-tyń málimetterinshe, úı janýarynyń bir jyldyq tabysy Mett Deımon, Mettıý Makkonahı, Nıkol Kıdman jáne Kemeron Dıaz sııaqty juldyzdardyń qalamaqylarynan asyp tústi. Bul týraly brıtandyq The Daily Mirror gazetine silteme jasaǵan TASS habarlaıdy.
Ǵalamtorda Soýs Tardar, nemese «ashýly mysyq» (Grumpy cat) retinde tanymal úı janýarynyń ıeleri onyń arqasynda 99,5 mln dollar tabys tapty.
«Mysyǵymnyń sýreti áleýmettik jelilerge shyqqan kúnnen bastap men daıashy bolyp jumys isteı almadym - uıaly telefonym fanattar men túrli kommertsııalyq usynystardan «jarylyp» kete jazdady», - dep baıandady tilshilerge ǵalamtor-juldyzynyń ıesi Tabata Býndesen.
Mysyqtyń «juldyzdy ómiri» 2012 jyly onyń sýreti ǵalamtorǵa salynǵan kezden bastap tanymal boldy. Sol kezden bastap «ashýly mysyq» túrli qaljyń sýretter men karıkatýralardyń keıipkerine aınaldy. Onyń beınesi kádesyılyq ónimder túrinde shyǵarylýda, janýardyń ózi talaı tok-shoýlar men telearnalardyń keıipkeri boldy. Qarashanyń sońynda Soýs Tardardyń qatysýymen ekranǵa «Ashýly mysyqtyń eń jaman Rojdestvosy» atty televızııalyq fılm jaryqqa shyqty. Ol týraly shyqqan kitap 15 tilde jaryq kórdi. Harızmalyq janýardyń fanattarynyń sany da tańqaldyrýda - onyń Facebook-te 6 mln.-nan astam jáne Twitter-de 255 myń jazylýshysy bar.
