Ǵalamtorda aryqtaýǵa septesetin oıyn paıda boldy
ASTANA. QazAqparat - Ulybrıtanııada adamnyń aryqtaýyna septesetin onlaın oıyn oılap tabyldy, dep habarlaıdy The Daily Mail.
Bul oıyndy oınaǵandar aptasyna shamamen 0,7 kelige aryqtaıdy.
Zertteýshilerdiń pikirinshe, oıyn keı adamdarǵa kúnine 220 kalorııadan kem taǵam mólsherin tutynýǵa járdemdespek.
Nebári 10 mınýttyq oıynnyń paıdasyn barynsha seziný úshin ony aptasyna 4 ret oınap, nátıjelerin jazyp otyrý qajet.
Ony ázirleýshilerdiń paıymynsha, oınaýshylar tátti toqash emes, jemis-jıdek tárizdi paıdaly taǵamdardyń sýretterin basý arqyly mılarynda sondaı azyq-túlikterdi ǵana jeý týraly oı qalyptastyrady. Sóıtip, energetıkalyq qýattylyǵy joǵary astardan bas tartady.
Zertteýshilerdiń málimetinshe, alǵashqy zertteýge qatysqan 41 adamnyń testileýden ótkenderi ár apta saıyn 0,7 kelige deıin salmaq joǵaltyp otyrǵan.
