Ǵalamtorda Almaty kóshesinde qolyna avtomat ustap júrgen adamǵa qatysty VIDEO jarııalandy
ALMATY. QazAqparat - Ǵalamtor jelisinde avtomobılderdiń biriniń vıdeotirkeýishine túsirilgen vıdeo jarııalandy. Onda er adam qolyna avtomat ustap Almaty qaalsynyń Abaı dańǵyly boıynda kezip júrgen.
Vıdeortirkeýishtiń ýaqyty saǵat 10:57 kórsetken. Júrgizýshi vıdeoregıstratorǵa túsirgen jer - búgin atys bolǵan oryndardyń biri - Abaı jáne Baızaqov kósheleriniń qıylysyndaǵy UQKD ǵımaratynyń janynda.
Eske sala ketsek, búgin belgisiz bireýler Almatynyń birneshe aýdanynda oq atqan - qazir qalada UQKD ǵımaraty, Abylaıhan kóshesi tolyǵymen jáne Abaı dańǵyly qorshaýǵa alyndy.
Qarýly qaqtyǵys nátıjesinde 7 polıtsııa qyzmetkeri aýrýhanaǵa tústi. Jedel járdem aýrýhanasy kezekshi bóliminiń habarlaýynsha, oq jaraqatymen aýrýhanaǵa 5 tártip saqshysy túsken. Taǵy ekeýi qalanyń ózge aýrýhanasyna túsken. Qalalyq ІІD aqparaty boıynsha, polıtsııa qyzmetkerleri arasynda kóz jumǵandar bar, biraq naqty sany anyqtalǵan joq.
Shabýylshylardyń biri quryqtaldy, taǵy biri - izdeýde. Qalaǵa «Ustaý» arnaıy jospary engizildi. Sondaı-aq, terrorıstik qaýiptiliktiń «qyzyl deńgeıi» jarııalandy.
Saǵat 12:20-da Almaty qalasynyń aýmaǵynda terrorıstik qaýiptiliktiń «qyzyl» deńgeıi belgilendi. Bul týraly qalalyq ІІD baspasóz qyzmeti habarlady.
