Ǵalamtorda aqparat izdeý este saqtaý qabiletin tómendetedi
ASTANA. QazAqparat - Ǵalamtordan qajetti aqparatty jıi izdeý adamnyń este saqtaý qabiletin tómendetip, oılaý úderisin baıaýlatady. Kalıfornııa jáne Illınoıs ýnıversıtetiniń ǵalymdary zertteý nátıjesinde osyndaı tujyrym jasady, dep jazady Big Think.
«Smartfon jáne basqa da qurylǵylar arqyly aqparat alý kólemi artqan saıyn, biz kúndelikti ómirde oǵan táýeldi bola túsemiz», - dep jazady zertteýdiń avtory Bendjamın Storm. Onyń oıynsha adamdar ózderi túsinbese de ınternetti qosymsha «qatty dısk» retinde qoldana bastaǵan.
Osy boljamdy tekserý úshin Storm áriptesteri Shon Stoýn jáne Aaron Bendjamınmen birge Kalıfornııa ýnıversıtetiniń stýdentterine tájirıbe júrgizgen (synaqqa qatysqandardyń ortasha jasy - 20-da).
Zertteýshiler stýdentterdi eki topqa bólip olarǵa sport, pop-mádenıet, tarıh salasy boıynsha 16 suraq qoıǵan. Saýalnama eki kezeńmen júrgizilgen. Birinshi topqa suraqtardyń jaýabyn ınternetten izdeýge ruqsat etilse, ekinshi top jadylaryna kúsh túsirýge, jaýabyn eshbir gadjettiń kómeginsiz aıtý mindettelgen.
Tájirıbe avtorynyń aıtýynsha, ǵalamtor kómegine júgingenderdiń 30% qarapaıym suraqtardyń jaýabyn bile tursa da ony Gýgl arqyly tekserip shyqqan.
