Ǵalamtor jelisine týyndylardy zańsyz salǵan tutynýshylarǵa aıyppul salynady - QR Zııatkerlik menshik quqyǵy komıteti
ASTANA. 9 aqpan. QazAqparat - «QR-nyń keıbir zańnamalyq aktilerine zııatkerlik menshikti damytý men qorǵaý tetikterin jetildirý máseleleri boıynsha ózgerister men tolyqtyrýlar engizý týraly» Zań 31 qańtarda óz kúshine endi.
Endi, ǵalamtor jelisine týyndylardy zańsyz salǵan tutynýshylarǵa aıyppul salynady. Bul týraly búgin Astanada ótken baspasóz máslıhatynda QR Ádilet mınıstrligi Zııatkerlik menshik quqyǵy komıteti tóraǵasynyń orynbasary Sholpan Ábdireeva málim etti.
Onyń habarlaýynsha, ǵalamtor jelisine san alýan týyndylardy zańsyz salǵan tutynýshylarǵa, eń aldymen, eskertý jasalady. «Ondaı jaǵdaı taǵy da qaıtalanatyn bolsa, jeke tulǵalarǵa 10-15 aılyq eseptik kórsetkish kóleminde aıyppul salynady. Zańdy tulǵalar bolsa, 100-150 aılyq eseptik kórsetkish kóleminde aıypaqy tóleýge mindetteledi», - deıdi Sh.Ábdireeva.
Al ǵalamtorda týyndylardy zańsyz ornalastyrý, taratý men kóshirý maqsatynda ınternet-resýrstardy jasaıtyn azamattar úshin Qylmystyq kodekste aıyppul, qoǵamdyq jumystar nemese bir jylǵa deıin bostandyqtan shekteý jazasy qarastyrylǵan. Ondaı quqyq buzýshylyq qaıtalansa, 2-5 jyl aralyǵynda bostandyqtan aıyrý jazasy qoldanylady.
