Ǵalamtor jelisi «Qazaq álemimen» tolyqty
ALMATY. 18 maýsym. QazAqparat - Ǵalamtor jelisi «Qazaq álemi» (www.qazaq-alemi.kz) dep atalatyn jańa saıtpen tolyqty. Onda álemniń túkpir-túkpirinde júrgen mıllıondaǵan qazaqtardyń suraýy boıynsha dúnıege kelgen «Qazaq eli», «Kóshi-qon», «Ana tili», «Jastar» aıdarlary bar. Olar dúnıeniń tórt túkpirinde tarydaı shashyrap júrgen qandastarymyzdyń suranystaryn qanaǵattandyrýdy kózdeıdi. Sondaı-aq, forýmda kópshiliktiń kókeıinde júrgen suraqtary boıynsha búgingi kúnniń kókeıkesti taqyryptary talqyǵa salynady.
«Qazaq álemi» saıtynyń basty qundylyǵy - saıt muraǵatynda ózge elde tútin tútetip otyrǵan qandastar ómirin jan-jaqty zerttegen jazbalarǵa toly. Dúnıejúzi qazaqtary qaýymdastyǵynyń respýblıka aımaqtaryndaǵy ókildikteriniń jáne Túrkııa, Reseı, Kanada, Ulybrıtanııa, Mońǵolııa, Germanııa elderindegi qazaq tilindegi áleýmettik paraqshalary bir jerge toptastyrylǵan. Sondaı-aq shartaraptaǵy qandastarymyz týraly jazyp, zerttep júrgen basqa da áleýmettik jelilerge saıttan oryn berilgen.
