Ǵalamtor jasóspirimderdiń ózin-ózi baǵalaýyna keri áserin tıgizedi
ASTANA. QazAqparat - Ǵalymdar 30 myń mektep oqýshysyn surastyryp, sol arqyly 2007 jyly 14-15 jastaǵy 41 paıyz qyz balanyń ózin-ózi baǵalaýy joǵary bolǵanyn, al 7 jyldan keıin bul kórsetkishtiń 33 paıyzǵa deıin tómendegenin anyqtady.
Ul balalardyń ózin-ózi baǵalaý deńgeıi de tómendedi, biraq aıtarlyqtaı kópke emes. Eger 2007 jyly uldardyń 55 paıyzy ózderin joǵary baǵalasa, 2013 jyly bul kórsetkish 50 paıyzdy qurady.
Zertteýshiler istiń máni áleýmettik jeliler men onlaın-sóılesýde, sondaı-aq ekonomıkalyq daǵdarysta jatyr dep esepteıdi. Jastardyń otbasylarynyń materıaldyq jaǵdaıynyń tómendeýi jáne onyń baıaý qalpyna kelýi boıynsha ýaıymdaryna beıjaı qaraýǵa bolmaıdy. Olarǵa kóbirek kóńil bólý kerek, dep jazady Meddaily.
Ǵalymdar sondaı-aq qazirgi onlaın-sóılesý jasóspirimder ortasynda burynǵydan qaraǵanda kóbirek taralǵanyn atap ótýde. Olar muǵalimderdi oqýshylarǵa ǵalamtor arqyly sóılesý qaýpi týraly aıtyp otyrýlary týraly keńes beredi.
Budan basqa, suraý 10-11 jastaǵy qyz balalardyń úshten bir bóligi kemsitýden qoryqqanyn kórsetti. Bul jastaǵy suralǵan árbir besinshi qyz balanyń onyń mektebiniń qyzmetkerleri onymen kúrese almaıtynyna senimdi bolǵany anyqtaldy.
