Ǵalamtor arqyly alaıaqtarǵa aldanyp qalǵan astanalyqtardyń aryzy boıynsha qylmystyq is qozǵaldy
ASTANA. QazAqparat - Aǵymdaǵy jyldyń 13 qyrkúıeginde elordalyq ІІD-ine ınternet-dúken arqyly 24 900 teńgege japondyq maskaǵa tapsyrys bergen azamatsha alaıaqtyq faktisi boıynsha aryzdandy.
Osy somany ol termınal arqyly tólegen. Oǵan bir er adam uıaly telefon arqyly habarlasyp, tapsyrysty tańerteń ákep beretinin aıtqan, biraq ekinshi kúni er adamnyń telefonyna habarlasqan kezde onyń telefony sóndirýli bolǵan, dep habarlaıdy Astana ІІD-niń baspasóz qyzmetinen.
Osy fakti boıynsha QR QK 177-babynyń 1-bóligi boıynsha qylmystyq is qozǵaldy.
Taǵy bir oqıǵada A. esimdi azamatty áleýmettik jeli boıynsha ınternet-magazın arqyly qaskúnemder aldap-arbaý jolymen onyń 16 000 teńge aqshasyn ıelengen. Atalǵan somany jábirlenýshi poshta arqyly tólegen jáne ózi týraly málimetterdi bergen, nátıjesinde telefon arqyly baılanysa almaǵan.
Polıtsııa qyzmetkerleri alaıaqtyq faktisi boıynsha qylmystyq is qozǵaǵan.
«Kóbinese alaıaqtardyń qurbandary ártúrli qyzmetterdi kórsetý jáne ınternet-dúkenderi arqyly satý boıynsha jarnamalar keńinen taralǵan saıttardy qoldanatyn azamattar bolyp tabylady. Saıttar ákimshiligi óz resýrstarynyń paıdalanýshylaryn kezekti alaıaqtardyń qurbandary bolmaýy úshin eskertip otyrady. Sonymen qatar qysqa merzim ishinde qajetti aqparatty usynyp, ishki ister organdaryna qylmyskerlerdiń alaıaqtyq áreketterin áshkereleý boıynsha kómek kórsetedi. Ádettegideı, qaskúnemder taýarlardy naryq baǵasynan tómen baǵaǵa usynǵandyqtan, satyp alýshylardy tartyp, olardy oılanbaıtyn áreketterge ıtermeleıdi. Jarnama ıesimen habarlasyp, tómen baǵany túrli aktsııalardyń bolýymen túsindiredi, qarjy aýdarýdy usynady. Nátıjesinde qaskúnemder paıdasyn alyp, al senimdi tutynýshylar naqty aqshasynan aıyrylyp qalady», - deıdi ІІD-inen.
Internet alaıaqtyqtyń kezekti qurbany bolmaýy úshin astanalyq polıtsııa qyzmetkerleri belgisiz adamdardan poshta jáshigińizge kelip túsetin túsiniksiz kúdikti hattardy ashpaýdy; bógde adamdarǵa ózińizge qatysty málimetterińizdi aıtpaýdy, eń aldymen aqsha tóleýdi qajet etetin kúdikti kompanııalarǵa aralaspaýdy; saıttan qandaı da bir zatty satyp almas buryn ol týraly jáne onyń taýary týraly pikirlerdi izdestirýdi, forýmdardy oqýdy; aldanyp qalmas úshin anyqtaý, suraqtar qoıý, kórsetilgen baılanys telefondary boıynsha keńslereg qońyraý shalýdy usynady. Sondaı-aq áleýmettik jelilerde otyrǵanda sizben baılanys ornatqysy kelgenderdiń, ásirese áńgimelesý kezinde qandaı da bir nómirge SMS jiberý nemese telefonǵa kenetten kelip túsken kodtardy jiberýmen baılanysty ótinish bildirgenderdiń barlyǵyna birdeı sene berýge bolmaıtynyn eskertedi. Sonymen qatar áleýmettik jelidegi akkaýntqa naqty nesıe kartochkandy nemese iri aqsha somasy bar ınternet-ámııandy ashyp kórsetpeý; eger sizden aqsha aýdarymdaryn jiberý arqyly satyp alǵan zatyńyzǵa eseptesýdi, kepilaqy engizýdi nemese tólem qabiletin rastaýdy surasa durystap oılanyp, aqparatty tekserip alý qajettigin aıtady.
