Ǵalamtor arqyly aqparat almasýda «bultty tehnologııa» eń jańasy bolyp sanalady - Zaýytbek Quralbaev
ALMATY. 29 naýryz. QazAqparat /Erlik Erjanuly/ - Almaty energetıka jáne baılanys ýnıversıtetiniń kompıýterlik tehnologııalar kafedrasynyń meńgerýshisi Zaýytbek Quralbaevtyń aıtýynsha, aqparat almasýdaǵy «bultty tehnologııa» kóptegen oqý oqý oryndary úshin úlken jańalyq bolyp otyr.
.«Aqparat almasý qazirgi kezeńde eń kókeıkesti máseleniń biri bolyp otyr. Kóp jaǵdaıda aqparat almasýda qolda bar tehnıkanyń ne baǵdarlamalyq jabdyqtardyń múmkinshilikteri shektelgen. Sondyqtan ǵalamtor arqyly aqparat almasýda «bulttyq tehnologııa» eń jańa bolyp sanalady. Bul bilim salasyna endi ǵana kirip jatyr. Sol sebepti kóptegen oqý oryndarynda ol týraly áli durys aqparat ta joq», - dedi Z. Quralbaev búgin Almatyda ótip jatqan «Bilim berý salasyndaǵy bultty tehnologııa» atty konferentsııada.
«Maıkrosoft Qazaqstan» kompanııasy uıymdastyrǵan bul konferentsııaǵa 120-ǵa jýyq joǵary oqý oryndarynyń aqparattyq tehnologııa fakýltetiniń oqytýshylary men stýdentteri jáne ózge de mamandary qatysýda. Ǵalymdardyń aıtýynsha, bul osy osy taqyrypta uıymdastyrylyp otyrǵan úshinshi shara bolyp otyr.
