Ǵalamtor álemi qazaq tilindegi jańa saıtpen tolyqty
ALMATY. 16 qańtar. QazAqparat - Qazaq mádenı qoǵamy «INSPIRE media» dep atalatyn prodıýserlik ortalyqpen tolyǵyp otyr.
Onyń ǵalamtordaǵy meken-jaıy: https://www.inspiremedia.kz . Ortalyqtyń basqarýshy dırektory Ertaı Núsipjanovtyń aıtýynsha, INSPIRE- qazaq tilindegi shabyttandyrý sóziniń balamasy, rýhtandyrý sóziniń aýdarmasy. Onyń jumysy shyǵarmashylyq jobalardyń negizinde qazaqty dúnıejúzine tanytýǵa baǵyttalǵan. Sondyqtan qazaq halqynyń san ǵasyrdan beri qalyptasqan mádenıeti men ádebıetin, salt-dástúri men ádet-ǵurpyn, ónerin nasıhattaýǵa teńizge tamǵan tamshydaı bolsyn úles qosýdy da óziniń úlken mindetteriniń biri dep esepteıdi. Onyń usynatyn qyzmet túrleri: web jasaqtaý qyzmeti; polıgrafııalyq qyzmet; mýltımedııalyq qyzmet; shyǵarmashylyq qyzmet; sheberlik synyptary; tanym-bilim kýrstary qyzmeti; aýdarma jasaý qyzmeti; saıahat qyzmeti.
QR Statıstıka agenttiginiń málimetterine qaraǵanda, 2012 jyly Qazaqstanda ǵalamtordy qoldanýshylardyń sany 40 paıyzǵa ósip 9,4 mıllıonǵa jetken. Oǵan uıaly baılanys qyzmetin kórsetetin operatorlardyń ǵalamtorǵa kirý aqysyn tómendetýi óz yqpalyn tıgizip otyr. Qazir onda áleýmettik jelilerdi paıdalanýshylaryń úlesi qarqyndy túrde ósip kele jatyr. Máselen, www.socialbakers.com saıtynyń derekterine qaraǵanda facebook jelisi boıynsha Qazaqstan 2012 jyly 697 980 qoldanýshysymen álemde 94 reıtıngke kóterilgen.
