Ǵalamsharlar sherýi Jerge de, turǵyndarǵa da áser etpeıdi - astronom
ASTANA. KAZINFORM – Búgin, 3 maýsymda Kún júıesiniń 4 ǵalamshary biryńǵaı túzý syzyq boıynda ornalasyp, jer denesi Kúnnen qarama qarsy jaqta túziletin biregeı astronomııalyq oqıǵany týdyrady.
Kazinform agenttigine «Astro Astana» jobasynyń negizin qalaýshy Artýr Gaıdýk mamandary ony nelikten kózge kórinbeıtin dep ataıtyndyǵyn jáne ol adamǵa yqpal etýi múmkin be ekendigin aıtyp berdi.
Ǵalamsharlar sherýi – ǵylymı emes, kerisinshe jerge taqaý ornalasqan ǵarysh nysandarynyń shartty túrde bir syzyqtyń boıynda ornalasý aýyzeki tildegi anyqtamaǵa kelińkireıdi.
Sarapshynyń pikirinshe, bul joly tańsárige 1 saǵat qalǵanda aspannyń shyǵys jaǵynan tek Marsty ne Satýrndy ǵana kórýge bolady.
«Ókinishke oraı, bul sherýdi jaı kózben qarap kóre almaımyz. Ǵalamsharlar Kún shapaǵynan jasyrynyp qalady. Muny arnaýly jabdyqtarmen de baıqaý qıyn. Biraq olardy «qarama – qaıshylyq» dep atalatyn kezeńde – aspan denesi «Kún – Jer» syzyǵynyń jalǵasynda bolǵanda jáne Jerden Kúnge qarama-qarsy baǵytta birshama anyq kórýge bolady», - dep atap ótti Artýr Gaıdýk.
Ǵalamsharlar jeri óte sırek kezdesetin qubylys. Ol ortasha esepen 18-20 jylda bir ret oryn alady. Sherý ekige bólinedi: shaǵyn – 4 ǵalamshar jáne úlken – 5 ǵarysh nysany. Sońǵysy ómir boıy kórmek de múmkin.
Osy oraıda sarapshy mundaı qubylystyń ǵylymı qundylyǵyna jáne Jerge fızıkalyq áserine qatysty pikir bildirdi.
«Ǵalamsharlar sherýi tek syrttaı ǵana qyzyǵýshylyq týdyrady. Máselen, bul atalǵan ǵarysh nysandaryn zertteý úshin eshqandaı da ǵylymı quramdasy joq. Sonymen qatar Jerdiń tartylys kúshine de áser ete almaıdy. Astrologııa turǵysynda da menińshe, eshqandaı ról atqarmaıdy», - dedi astronom.
Merkýrıı, Mars, ıÝpıter jáne Satýrn túzetin kishi sherý taǵy eki kúnge jalǵasady. Qazirgi ýaqytta olar kúnge taqaý 20-30 gradýs sektorynda ornalasqan.
