Ǵalamshardyń «eń sulý» áıeli anyqtaldy
ASTANA. QazAqparat - PEOPLE's World's Most Beautiful jýrnaly aktrısa Djýlııa Robertsti álemdegi eń sulý áıel dep tanydy, dep habarlaıdyrambler.ru.
«Djýlııa Robertstiń People jýrnalynyń «Álemniń eń sulý adamdary» reıtıngine arnalǵan nómirine alǵash shyqqanyna aǵymdaǵy jyly 26 jyl boldy jáne ol áli kúnge deıin bizdiń súıikti sulýymyz bolyp qalýda», - delingen maqalada.
49 jastaǵy Roberts bul ataqty bıyl besinshi ret ıelenip, rekord ornatyp otyr. Aktrısanyń ózi bul faktini «kóńil qýantarlyq maqtaý» dep atady. Ol álemniń eń sulý áıeli retinde alǵash ret 1991 jyly 23 jasynda atanǵan bolatyn. 2016 jyly bul ataqty - aktrısa Djennıfer Enıston, al 2015 jyly aktrısa Sandra Býllok alǵan edi.
Djýlııa Roberts - kóptegen kınojúldelerdiń ıesi, sonyń ishinde 2001 jyly túsirilgen «Erık Brokovıch» fılmindegi úzdik áıel róli úshin «Oskar» alǵan. Odan bólek, aktrısa «Avgýst: Grafstvo Oseıdj» fılmindegi «Ekinshi plandaǵy úzdik áıel róli úshin» «Altyn globýs», BAFTA syılyǵyna jáne «AQSh kınoakterleriniń gıldııasy» júldesine úmitker atandy.
