Ǵalamshardyń eń nashar shańǵyshysy qardy álem chempıonaty bastalar aldynda ǵana kórgen
ASTANA. QazAqparat - Fınlıandııadaǵy Lahtı qalasyndaǵy álem chempıonatynda jarys jolyna Venesýeladan kelgen shańǵyshy Adrıan Solano da shyqqan bolatyn. Ol shyǵa sala "ǵalamshardyń eń nashar shańǵyshysy" ataǵyn ıelendi.
Sońynan belgili bolǵandaı, ol ómirinde qardy báseke bastalar aldynda, bes saǵat buryn ǵana kórgen. Buǵan deıin Venesýelada rolıkti shańǵymen ǵana jattyqqan. Ol Fınlıandııaǵa erterek kelýge áreket jasaǵan, biraq Parıjde basqa ushaqqa otyrar aldynda onyń qaltasynda 20 eýro ǵana qalady. Adrıan Solanonyń shańǵy jarysyna bara jatqandyǵyna eshkim senbeı,ony Vensýelaǵa qaıtaryp jibergen. Nátıjesinde jolǵa shyǵýyna aqshasy bolmaǵan jigitke kópshilik ınternet arqyly qarjy jınap bergen.
Fınlıandııaǵa Solano týra chempıonat bastalar aldynda ushyp keldi. Ol nebári 10 shaqyrymǵa da jete almaı, jarys jolynan shyǵyp qaldy.
