Ǵalamshardyń eń qart turǵyny – etnıkalyq qazaq Tánzılá Bısembeeva ómirden ozdy
ASTRAHAN OBLYSY. QazAqparat – Eń uzaq ómir súrgen, etnıkalyq qazaq Tánzılá Bısembeevany týǵan aýyly Astrahan oblysy Krasnoıar aýdany Alcha kentinde jerledi. 2016 jyldan bastap ol resmı túrde ǵalamshardyń eń qart turǵyny atandy. Bul týraly Reseıdiń Rekordtar kitabynda aıtylǵan, dep habarlaıdy QazAqparat «Rossııskaıa gazeta» basylymyna silteme jasap.
Tánzılá Nasıhanqyzy jarty jyldan keıin 125 jasqa tolýshy edi.
«Ol esh qınalmaı ómirden ozdy. Marqumdy aqtyq saparǵa shyǵaryp salýǵa kenttiń barlyq turǵyndary keldi», - dep habarlady Krasnoıar aýdandyq «RG» basshysy Nurǵalı Baıtemirov.
Eki ǵasyr buryn dúnıege kelgen Tánzılá Bısembeeva birqatar tarıhı oqıǵalardyń kýágeri bolǵan: revolıtsııany, Ekinshi dúnıejúzilik soǵysty, SSSR-dyń qulaǵanyn kórdi. Ol otbasyndaǵy segiz balanyń tuńǵyshy edi. Tánzılá Bısembeevanyń úsh uly, on nemeresi, 25 shóberesi jáne eki shópshegi bar.
