Ǵalamshardyń árbir onynshy turǵyny oqyp-jaza almaıdy
ASTANA. QazAqparat - Joǵary tehnologııalardyń damýy, ǵaryshty ıgerý jáne kórnekti ǵylymı jańalyqtarǵa qaramastan, 21-shi ǵasyrda Jer sharynyń 16 paıyzy saýatsyz bolyp qalýda.
Amerıkandyq ǵalymdar osyndaı qorytyndyǵa keldi.
Mamandar Birikken Ulttar Uıymynyń bilim, ǵylym jáne mádenıet (ıÝNESKO) máseleleri boıynsha málimetterin óńdep, jer sharyndaǵy saýattylyq óskenimen, óte tómen qarqynmen ósýde degen uıǵarym jasap otyr. Bul rette ár túrli elderdegi eresek turǵyndardyń 781 mıllıony, nemese Jer sharynyń árbir onynshy turǵyny múldem oqyp, jaza almaıdy.
Eń tómen kórsetkishter Ortalyq Afrıka men Batys Azııada boldy. Munda saýaty joq shamamen 600 mıllıon adam turady. Bul osy elderdiń óte tómen áleýmettik-ekonomıkalyq damýymen túsindiriledi, dep jazady Informing.
Ótkizilgen zertteýge sáıkes, saýaty joq adamdardyń eń kóp sany - 286 mln adam Úndistanda turady. Budan basqa, Jer sharynda saýatsyz áıelderdiń sany saýatsyz er adamdardyń sanynan eki ese kóp bolyp otyr.
