«Ǵalamshardy qozǵaıyq» aktsııasyna bıyl Qazaqstannyń 24 qalasy qatysady
MATY. 20 qyrkúıek. QazAqparat /Erlik Erjanuly/ - Qyrkúıektiń 24-i kúni álemniń 180 elinde «Ǵalamshardy qozǵaıyq» aktsııasy ótedi. Búgin Almatyda ótken baspasóz máslıhatynda bul týraly «Tazalyqty mura eteıik» jelisiniń jetekshisi Dáýren Qaısarov aıtty.
«Jyl saıyn ártúrli uranmen ótip kele jatqan ekologııalyq bul aktsııaǵa Qazaqstan 2009 jyldan beri qatysyp kele jatyr. Bıylǵy jyly ol «Ǵalamshardy qozǵaıyq» degen atpen ótpek. Onyń maqsaty - halyqaralyq qaýymdastyqtyń nazaryn ekologııalyq máselelerge aýdarý bolyp tabylady. Óıtkeni klımatyń ózgerisi jyldan-jylǵa kúrdelenip kele jatyr», - deıdi D. Qaısarov.
Bul aktsııa alǵashqy jyldary Almaty, Qaraǵandy tárizdi sanaýly qalalarda ǵana ótkizilgen bolatyn. Bıyl oǵan Qazaqstannyń eń iri 24 qalasynan 30-35 myń adam qatyspaq. QR Táýelsizdiginiń 20 jyldyǵyna arnalǵan bul sharny QR Qorshaǵan ortany qorǵaý mınıstrliginiń qoldaýymen «Tazalyqty mura eteıik» ulttyq jelisi, Baıga.kz sporttyq birlestigi jáne Bılaın baılanys operatory birlesip uıymdastyryp otyr. Dáýren Qaısarovtyń sózine qaraǵanda, bul aktsııanyń ádettegi senbilikterden basty aıyrmashylyǵy - qorshaǵan ortadaǵy shashylyp jatqan qaldyqtardy suryptap jınap, qaıta óńdeý oryndaryna jetkizý. Qorshaǵan ortany qorǵaý mınıstrligimen aradaǵy kelisim boıynsha jergilikti atqarý organdary qaldyqtardy tasýǵa arnaıy kólikter bólmek.
