Ǵalamshardaǵy eń ystyq jerlerdiń biri - Mohava shólindegi ǵajaıyp oqıǵa (FOTO, VIDEO)
ASTANA. QazAqparat - Ǵalamshardaǵy eń ystyq jerlerdiń biri - amerıkandyq Mohava shólindegi Ólim alqabynda 10 jylda alǵash ret gúlder sheshek atty.
Adam senbeıtin tabıǵat qubylysy aımaqta bolǵan nóser jaýynnan keıin bastalǵan, dep jazady epochtimes.ru.
Ótken kúzde bul shólde daýyldar men nóserli jańbyrlar bolyp, jergilikti joldardyń kóp bóligin shaıyp tastady. Jańbyr sýy birneshe ondaǵan jyldar boıy shólge jelmen ushyp kelgen talaı ósimdikterdiń tuqymdaryna ómir berdi. Endi alqap kóptegen týrısterdi tartyp otyrǵan alýan túrli gúlderge toldy.
Ólim alqaby ǵalamshardaǵy eń ystyq aýmaqtardyń biri bolyp sanalady. Shóldegi ortasha aýa temperatýrasy +46 gradýsty quraıdy. Jer betinde +57 gradýs bolǵan eń joǵary temperatýra da osy jerde tirkelgen. Keı jyldary shólde jaýyn-shashyn múldem bolmaǵan.
Ǵalymdar shólge túsken jaýyndardy sońǵy kezde belsendiligi joǵarylaǵan El-Nıno qubylysymen baılanystyryp otyr. 
