Ǵalamshardaǵy eń kúshti áıel qaza tapty
ASTANA. QazAqparat - Paýerlıftıngten birneshe dúrkin álem chempıony, 1990 jyldary ǵalamshardaǵy eń kúshti áıel atanǵan reseılik Natalıa Rýmıantseva 46 jasynda ómirden ozdy.
Ol sporttyq mansabynan keıin bapker bolǵan.
«Paýerlıftıngten jeti ret álem chempıony, Reseıge eńbegi sińgen sport sheberi Natalıa Rýmıantseva 47 jasynda kenetten qaza tapty. Burynǵy sportshynyń, qazirgi bapkerdiń densaýlyq jaǵdaıynyń qandaı bolǵandyǵy belgisiz. Oqys oqıǵanyń sebep-saldary da beımálim»»- dep habarlandy bul qaıǵyly oqıǵa jaıly Sankt-Peterbýrg paýerlıftıng federatsııasynyń «VKontakte» áleýmettik jelisindegi paraqshasynda.
Rýmıantseva sporttyń bul túrimen Sankt-Peterbýrgte 1992 jyldan shuǵyldana bastaǵan. Sol jyly sport sheberiniń normatıvin oryndaǵan. Al kelesi jyly «halyaralyq dárejedegi sport sheberi» atandy.
Sportshy 82,5 jáne 90 keli salmaqta óner kórsetken. 1993 jyldan bastap 1999 jyldar aralyǵynda qatarynan 7 ret álem chempıony ataǵyn jeńip aldy.
Natalıa Rýmıantseva eń tıtýly kóp sportshy áıel retinde jáne 212 ret rekord jańartqany úshin 2000 jyly Gınnestiń rekordtar kitabyna engen bolatyn.
