Ǵalamsharda eń kóp taraǵan «OK» sózine 175 jyl toldy
ASTANA. QazAqparat - Búgin "okeı" (OK) sózine 175 jyl toldy. Búkil álemdegi aǵylshyn tiliniń qoldanylýyn tirkep otyratyn Global Language Monitor (GLM) qaýymdastyǵy málimetterine sáıkes, «OK» ǵalamsharda eń kóp taraǵan ári keńinen tanylǵan sóz bolyp otyr.
Bul sóz 1839 jyldyń 23 naýryzynda sol kezeńdegi AQSh-taǵy eń tanymal basylymdardyń biri bolǵan The Boston Morning Post gazetinde jazylǵan edi.
«OK» sóziniń shyǵý tegine qatysty nusqalar óte kóp. Solardyń birine qaraǵanda, XIX ǵasyrdyń 30 jyldarynda basylym betterinde qysqarǵan sózderdi qoldaný sánge aınalyp, Boston gazetiniń jýrnalısteri bári durys degen maǵynany bildiretin "oll korrest" sózin qysqartyp "OK" dep qoldaný ıdeıasyn usynǵan.
Taǵy bir derekterge qaraǵanda, AQSh-tyń jetinshi prezıdenti Endrıý Djeksonnyń saýatsyz bolǵandyǵy sonshalyq ol memlekettik qaǵazdarda "all correct" dep jazýdyń ornyna "oll korrest" dep jazyp jibergen kórinedi.
Al keıbireýlerdiń pikirinshe, "okeı" sózi grekterdiń "ola kala", frantsýzdardyń "auh Cayes", shotlandyqtardyń "och aye" sózinen shyqqan. Tipti keıbireýler ony orystyń "ochen horosho" degen sózinen shyqqan dep te júr. ıAǵnı, aǵylshyn tilinde "h" árpi joq, sondyqtan qysqarǵan kezde "k" árpine aýysqan-mys.
Bul sóz soǵys kezinde týyndaǵan degen de pikirler bar. Eger soǵys kúninde eshkim ólmese, onda baıanhatta "0 killed" ("ólgender 0"), qysqartyp "OK" dep jazǵan.
