Ǵalamshar turǵyndarynyń 60%-dan astamy klımattyń ózgerýi adamzatqa qaýipti dep atady

NUR-SULTAN. QazAqparat - Jer shary turǵyndarynyń 60 paıyzdan astamy klımattyq ózgeristerdi adamzat úshin úlken qaýip pen tótenshe jaǵdaı dep sanaıdy. Bul BUU Damý baǵdarlamasy mamandarynyń Oksford ýnıversıtetiniń sarapshylarymen birlesip ótkizgen saýalnama nátıjesinde anyqtalǵan.

Zertteýge 50 elden 1,2 mln jýyq adam qatysty. Respondentterge klımattyń ózgerýi jahandyq tótenshe jaǵdaı bolyp tabyla ma jáne olardyń klımattyq saıasattyń alty sala: ekonomıka, energetıka, kólik, óndiris jáne azyq-túlik ónimderin paıdalaný, qorshaǵan orta jáne adamnyń qaýipsizdigin qamtamasyz etýdegi 18 basty baǵytty qoldaı ma degen suraq qoıyldy.

Suraý qorytyndylaryna sáıkes, qatysýshylardyń 64 paıyzy klımattaǵy ózgeristi jahandyq tótenshe jaǵdaı dep sanaıdy.

«Suraý qorytyndysy ulty, jasy, jynysy men bilim deńgeıine qaramastan, búkil álemdegi elderdiń adamdary klımattyń ózgerýine qarsy kúres júrgizýdiń shuǵyl sharalaryn qoldaıtynyn kórsetip otyr», - dep atap ótti BUU DB ákimshisi Ahım Shtaıner.

Aıta ketsek, 14 qańtarda NASA jyl saıynǵy baıandamasynda 2020 jyl Jer betindegi temperatýranyń tórtjyldyq merziminiń rekordyn qaıtalaǵanyn málimdegen bolatyn.