«Ǵalamshar arýy-2015» tıtýlyn jarııalaý kezinde júrgizýshi qatelesip tájdi basqa arýǵa kıgizgen
ASTANA. QazAqparat - Fılıppın ókili 26 jastaǵy Pıa Alonso Výrttsbah «Ǵalamshar arýy - 2015» tıtýlynyń ıegeri atandy. Bul týraly jeksenbi keshke amerıkalyq Las-Vegasta (Nevada shtaty) sulýlyq baıqaýy fınalynyń qorytyndysy kezinde habarlandy, dep jazady TASS.
Nátıjelerdi jarııalaý sál bolmaǵanda janjalǵa ulasa jazdady. Baıqaý júrgizýshisi jeńimpazdy jarııalaǵanda, «Ǵalamshar arýy» retinde qatelesip kolýmbııalyq 21 jastaǵy Arıadna Gýtteresti ataǵan. Alaıda onyń basyna tájdi kıgizgennen keıin konferanse konvertte berilgen esimdi qate oqyǵandyǵyn málimdep, keshirim surady.
