Ǵalamdyq jylyný qaýipti bakterııany kóbeıtip otyr
ASTANA. 26 shilde. QazAqparat - Klımattyń ózgerýi Eýropanyń soltústiginde juqpaly ishek aýrýlaryn órshitetin bakterııanyń kúrt kóbeıýine yqpal etip otyr.
Eýropalyq jáne amerıkalyq ǵalymdardyń bul týraly zertteýi Nature Climate Change ǵylymı basylymynda jarııalandy.
Reuters-tiń habarlaýynsha, Baltyq teńizi aýmaǵynda Vibrio bakterııasynyń qaptaǵany belgili boldy. Ulybrıtanııa, Fınlıandııa, Ispanııa jáne AQSh ǵalymdarynan quralǵan komıssııa mıkroaǵzalardyń taraýyna teńiz aýdanynda aýa temperatýrasynyń tym joǵarylaýy sebep bolǵanyn anyqtady. Bakterııalardyń bul tobynyń ókilderi tyrysqaq pen gastroenterıt aýrýlaryn týǵyzady. Olar teńizge shomylǵan nemese teńiz ónimderin qoldanǵan adamdar arqyly taraýy yqtımal. Mamandardyń aıtýynsha, aýa temperatýrasynyń bir gradýsqa kóterilýi Vibrio bakterııasy qataryn 200%-ǵa kóbeıe túsedi. Qazirgi ýaqytta klımattyń ózgerýinen órshıtin qaýipti bakterııanyń Chılı, Perý, Izraıl, AQSh aýmaǵynan da anyqtalǵany belgili bolyp otyr.
Alash aınasy
